Håp gjennom døden

me sørgjer
men ikkje utan håp,
ikkje utan ein stråle av lys
over den fjerne horisonten

lyset leier veg
gjennom dødsskuggedalen
og over den siste elva,
heilt inn i vårt sanne heimland

-

Jesus gjekk først
me kjem etter,
i dette kviler vårt håp,
i dette kan me bygge 
eit liv

Inn i mørket

eg er edmund
med bøygd nakke
og ei erkjenning av skuld
som ei bør tyngre enn verda
på skuldrene

du er aslan
den stolte, store
som med opne auge møter mørket
og let deg senke
av svakare hender

til slutt er det du
som vil stige opp i strålelyset
og løfte meg med deg
ut av grava

i mørket er det vanskeleg
å sjå det komande lyset,

men du ser
og det er nok 
for meg

Liv etter frosten

denne songen er den første
dette håpet er det største -

---

som eit nyfrose tre
eg bøyer meg ned

tek imot kvart mumlande ord
kjenner sorga kvile på snødekt jord;

at eg levde, at eg pusta at eg for
utan å setje eit einaste spor

at eg song at eg drøymde at eg var
som ein stridig knute hos han som bar

så var det noko som løyste seg opp
ein tinande stråle av sol mot ein kropp

som ikkje lenger levde, var til
for songen i hjartet var dørgande still

og varmen tok tak, og orda var linne
noko byrja å vekse, å spire der inne

i hjartedjupna du planta eit frø:
eg skal atter få leve, du valde å dø

for oss frostige, stridige sjølvgode tre
steig du like inn i dødsriket ned

stod opp att i velde, som den klaraste stjerne
tinte frosten og skamma som gleda fekk fjerne

og planta på ny denne songen, den første
eg syng den for Deg, du som lindra all tørste!

Kjeldene #7

eg høyrer slaga

frå tunge fjerne klokker

nærme seg

ei dirring frå urgamle tider

lyfter byen frå fjellet gjennom skyene

speglar den som gull i havet

let lyset omfamne skuggane rive dei sund

let kjeldene strøyme fritt og openberra

for mitt nyskapte hjarte

ser i djupna

at alle mine kjelder

er i deg

Oppstoda av kroppen

Eg trur på oppstoda
av kroppen, mitt skrøpelege telt
reist i kjærleik
til eit tempel, innvigd og heilag

Eg trur på oppstoda
av kroppen, mine ustadige atom
sirkulerande i bane
rundt alt anna enn det heilage

Eg trur på oppstoda
av kroppen, min vesle bustad
mitt korte sekund av æva
Ein dag skal den byggjast på ny

Eg trur på oppstoda
av kroppen, eit omvendt fall
frå jorda, som ein eksplosjon i revers
tilbake til det dei kalla “meg”

Eg trur på oppstoda
av kroppen, ein evig restaurasjon
med presise mål: Ein heilag Gud
som byggjer sitt barn på ny

Eg trur på oppstoda
av kroppen, eit nytt liv
ein ny bustad, så annleis enn denne
og fundamentalt betre

Eg trur på oppstoda
av kroppen, min kropp
min evige kropp, bygd av jord
frå Guds eigen hage

Trust

golden days will pass
as the sun makes its way
over diverse landscapes,
leaving behind a green belt

sparkling shades, waving
like an ocean in the wind

awaiting days of destruction,
days of loss, mourning
as death himself
picks his way through the forrest

-

in days of golden sorrow
trust is lingering in days ahead,
creates the hope
of resurrection - one day
after winters cold, white plaid
is drawn aside


(onsdagstema)

Bones

(Haiku horizons #26)

Øydemark

ørken, ja, ørken

bak sløret

ventar ei øydemark

ein veg du skal gå

til endes

utan vatn, utan lys

utan klede, utan håp

heilt til du rundar siste svingen

må du gå me nedbøygd nakke

slepe beina etter deg

legge bak deg eit spor av blod

og tårer

eit far dei kan sjå, men utan trøyst

heilt fram

gjennom ørken og sand

mellom lysglimt frå framande kystar

under ein uendeleg stjernehimmel

og den totale stilla

som sluker alle dine tankar

knuser dei til støv –

heilt gjennom

må du gå, til huda er borte

og hjartet ligg nake og ope,

du må lyfte deg fram

med nedslegne auge

og falle på blodige kne

din siste pust skal du bruke

på orda du må seie

før du dør

før du sig til jorda

som sluker din kropp

-

men hjartet skal endrast,

frå det skal det spire

langt under molda

ein kime mot lyset

ein tynn og spinkel renning,

planta ved ei elv

under ei sol

planta i dei friske vindane

og treet skal vekse

strekke seg mot himmelen

og dette nye

skal no vere deg -