Kvit og ikkje

du kom over livet mitt
som ei årstidsveksling
eller ein bris frå framande strender

dekte himmelen over hovudet mitt
med kvite skyer, farga verda
med din eigen pensel

så går eg her, auga fokuserte
og du fyller synsranda, frå ende til annan
med det kvite og ikkje


(Onsdagstema)

Fram

så kastar han seg fram
inn i det ukjente

det er ikkje lenger eit val
mellom her - og der

for grunnen er borte
det gamle langt bakanfor medvitet

og auga er retta framover, utover
fokusert på det som skal komme

på det som må komme
etter dette

svevet gjennom millionar 
av augeblikk
 


(Onsdagstema)

Ein smule sur

kanskje er det maktesløysa,

at ein gjerne ikkje vil

vere ein som ikkje kan seie

og vere akkurat der og den ein vil

eller ikkje vil

akkurat når og om

ein har lyst

kanskje passa det ikkje så godt

akkurat no

å gjere noko anna;

avslutte noko, begynne noko

eller vere vidare i dette

ein ikkje ynskjer

kanskje veit ein ikkje,

kanskje er det ikkje noko

i det heile –

ein berre

er

sur

kanskje går det

snart over

(B&W wednesday, Wednesday around the world) 

(Onsdagstema: Tørr - portrett av ei jente som er tørr bak øyra og veit kva ho vil! Og ikkje vil...)

Eg er eit monument

ein gong sett her, planta
fordi nokon ville det

ein gong villa, skapt
som ein del av ein større tanke

plassert, normalt mot jordskorpa
som eit levande bevis - eit manifest

ser du skuggen eg kastar?
den vitnar om noko større - utanfor

og skuggen som dekkjer meg?
at det er nokon som vil meg vel

nokon som seier at eg er eit monument
sett, skapt, plassert, villa, elska -

ser du dropar av blod langs vegen?
det er leielysa - 

monumentet skal flyttast
dit opphavet for alle monument får æra -



(onsdagstema)

Reach

reaching for the outer world
- longing for some sunshine
and the utter freedom
in ability to move
wherever her mind says: go!

reaching for her role model
- moving, oh so quickly!
across the starry sky,
leading the way
to a promised land;
there will be no more walls –

reaching for those promises
- unseen, concealed
like a seed, planted in the very core
of her inner being;
longing for the free run,
longing for the wind beneath her wings –

(A summer memory! Onsdagstema, Wednesday around the world, Black and white wednesday)

Den ukjente

vandrande langs vegane

i livet, eit levande og livssterkt

tenkande vesen og truleg trufast

i alt ditt eige,

går du mot målet

ved enden

ein ettermiddag ved vatnet

og eg undrar –

kven er du

kor skal du

kvar har du vore, før

vegane vart kryssa

tilfeldig, trass

vindar som trugar

og tida som tikkar

mot kveld, mot natt, mot mørke

og du går oppreist, stødig

som var du upåverka, ei festning

mellom verda

og det eg tenkjer må vere

eit erfarent hjarte, fullt av håp

og draumar

for dagar eg ikkje kjenner, aldri

vert ein del av

aldri får vite forma,

konsistensen, substansen

av, for eg går mine vegar

du går dine, vi er ukjente

tilfeldig møtande

langs vegane i livet,

far vel –

(Wednesday around the world, Onsdagstema, Black and white wednesday)

I min stil

dei vil

eg skal sveve

på lånte venger

dei vil

eg skal stå

på framand grunn

dei vil

eg skal seie

ukjente ord

dei vil

eg skal teie

endå ein stund

det einaste eg vil

er å få leve,

i eigen stil

over djupa sveve

(Onsdagstema)

Trust

golden days will pass
as the sun makes its way
over diverse landscapes,
leaving behind a green belt

sparkling shades, waving
like an ocean in the wind

awaiting days of destruction,
days of loss, mourning
as death himself
picks his way through the forrest

-

in days of golden sorrow
trust is lingering in days ahead,
creates the hope
of resurrection - one day
after winters cold, white plaid
is drawn aside


(onsdagstema)