Dyrisk lengt

Det bur ein lengt etter fridom

i alle ting levande,

ein lengt etter å utfalde det inste

etter sitt eige mønster,

sitt eige indre kart –

Men sjølv kattar veit,

at ein må gje noko

for å få,

om enn motvillig

 

Sjølv kattar veit at fridomen ikkje gjeld

viss haldepunktet manglar,

viss det ikkje er eit fast punkt

å utleve fridomen frå

- Nokon å vente på, nokon å stole på,

nokon å la tankane sirkle rundt

(og sirkle rundt beina på)

ikkje for å gje slepp på fridomen,

ikkje for å viske ut det indre kartet,

men for å gje det ein dimensjon av tryggleik

utan den

er fridomen utan verdi

(Fototriss)