Lyden av vår

Dette er lyden av ein vinter

som snart er over

Det er lyden av naken jord,

lyden av snø som brånar,

forsvinn lik dogg i sola

(lik tapte tankar)

og vise lauv dukkar opp etter dvalen –

Kan du høyre kor asfalten strekk seg

i eit landskap som skiftar farge

- eller får farge

og grusen knitrar – det flammar ein lengt

gjennom millionar av mineral, millionar

av frø, millionar av barn i ullstrømper

og føter av fastlenka helium

for no strøymer lyden av vår imot oss

frå alle falma vinterbilete

(Onsdagstema)