Alt vi ikkje visste

alt vi ikkje visste

i 1979

at Gorbatsjov skulle ende

den kalde krigen

at Saddam Hussein

skulle setje oljebrønnar i brann i Kuwait

at Tsjekkoslovakia skulle rakne i fred

at Jugoslavia skulle rakne i krig

at tvillingtårna skulle falle

at Berlinmuren skulle falle

at Afghanistan skulle falle

i hendene på Taliban

og IS herje med bomber i Europa

at Syria skulle falle

i eld

at sjølve feriehavet skulle bli

ei grav for så mange på flukt

alt vi ikkje visste

i 1979

då vi telte ned, frå 10 – 9 – 8 –

mot det nye tiåret

alt vi ikkje visste –

alt vi ikkje veit

i 2017 –

Ingen ser oss

ingen ser oss her nede

under vårt solide teppe

av tette skyer

sola har slokna

stjernene bleikna

ingen måne lyser opp natta

- den uendelege natta

i landet mellom fjella

her kviler ulvane

her brøler løvene

her går vi på tå;

for ingen høyrer

vår redde kviskring i natta

kor vart det av lyset?

kor vart det av håpet

og lengten og gleda

over å kjenne

seg elska?

alt er gløymt

under dampen frå vår eigen pust

og draumane er kvite, tomme ark

her

i landet mellom fjella

der bøkene støvar ned

og ingen lenger løftar hendene

mot det veldige ukjente

der oppe

Black n' white

what would the black be

without the white

what would the white be

without the black

featureless surfaces

a yawn with no ending

a much less exciting world

for you and me