Mitt, ditt eller ingen sitt

dette at me alle er bygde 
av dei same grunnstoffa;
at me er store delar vatn, og 
det er ufråvikeleg for alle

og at dette vatnet er
på stadig reise
inn i kroppen, ut av kroppen
vidare ut i verda

til slutt kjem det same stoffet
kanskje
eit vassmolekyl? eit jernatom?
tilbake til deg
og plutseleg er det ein del av kroppen din
ei stund

dette at me 
alle menneske
deler ei felles mengde grunnstoff
og ikkje kan eige
eit einaste eitt av dei

det er noko forunderleg
og grunn til å undrast -
korleis kan me i det heile rekne oss som ulike?

Strekke auga litt til

Black n' white

what would the black be

without the white

what would the white be

without the black

featureless surfaces

a yawn with no ending

a much less exciting world

for you and me

Gleda over mangfald

har du nokon gong gått i
ein skog med identiske tre –

har du vandra gjennom ei eng
og tenkt, som eit ynskje
at alle blomar skein med same glans,
at alle var like høge, like runde
like strålande i si prakt

har du reist frå heimstaden,
køyrt gjennom framande grender
og tenkt – i oppriktig frustrasjon
at her burde alt vore som heime,
alle hus burde vore raude som mitt
alle gater burde vende mot aust
og alle hagar ha nøyaktig fjorten epletre –

har du lagt deg
etter ein regnfull, hustrig vinterdag
og drøymt dine mjuke draumar
om ein morgondag heilt lik
identisk til siste sekund

at ingenting nytt skal opptre –

Twist

Korleis ville twistposen vore

viss alle bitane var japp?

Då ville det vore ein japp-

pose, ikkje noko anna

og daimposar finst allereie

for dei som likar einsretting –

og hadde alle bitane vore cocos,

ville eg alltid hatt posen for meg sjølv,

noko som ville vore kjekt

i omtrent fem minutt,

og sidan ville eg kjent på

einsemda i å ete twist – aleine

for slik er det ordna

at eg likar cocos og du likar nougat,

vi likar caramel

og de likar lakris, og han likar daim

og ho likar toffee og dei andre

likar resten

dermed kan vi dele

og alle vert fornøgde

og magane vert passe fulle

av deilige bitar

og fjesa vert passe farga

av fellesskapssmil

-

Korleis ville twistposedelestunda vore

viss alle likte berre japp? -

Ah, mangfald, folkens

Mangfald!

(Fredagstema)