Twist

Korleis ville twistposen vore

viss alle bitane var japp?

Då ville det vore ein japp-

pose, ikkje noko anna

og daimposar finst allereie

for dei som likar einsretting –

og hadde alle bitane vore cocos,

ville eg alltid hatt posen for meg sjølv,

noko som ville vore kjekt

i omtrent fem minutt,

og sidan ville eg kjent på

einsemda i å ete twist – aleine

for slik er det ordna

at eg likar cocos og du likar nougat,

vi likar caramel

og de likar lakris, og han likar daim

og ho likar toffee og dei andre

likar resten

dermed kan vi dele

og alle vert fornøgde

og magane vert passe fulle

av deilige bitar

og fjesa vert passe farga

av fellesskapssmil

-

Korleis ville twistposedelestunda vore

viss alle likte berre japp? -

Ah, mangfald, folkens

Mangfald!

(Fredagstema)