Komplisert

kjensla av å vere ein bekk

med frådande vatn,

vere eit stryk i flukt

full av kraft og pågangsmot

 

eller ein stein i bekken

stille, taus og robust

som eit punkt å måtte forsere

på vegen mot noko anna

 

eller kanskje heller ein båt

i den ville straumen,

den som må kjempe imot

alle undergangskreftene --

ofte er kjensla

at eg er alle tre

på ein gong

Mørke mørke

Sjølvinnsikt

Morgondans #6

Eit rom for sorga

inni kroppen min

bur sorga

på hemmeleg adresse

låste dører

avstengde vindauge

sperra område

kvar nye kjensle av avmakt

forviser eg dit,

og dyttar att døra –

det tek krefter, for veggane bular

og alt trugar med

            å komme veltande fram

Stille under

under overflata putrar det
i tause vulkanar

eg skjerpar blikket
prøvar fange opp nyansane i kvelden

hjartet bankar ukontrollert,
ingen veit kor neste vindpust kjem frå

eller når dei indre straumane kokar over
sine stille breidder

set havet i kok
og endrar alle ting - alt i hop

frå eit sekund til eit anna,
kanskje akkurat når eg blunkar -

så eg held blikket fokusert
og håpar på eit stille under

Ein smule sur

kanskje er det maktesløysa,

at ein gjerne ikkje vil

vere ein som ikkje kan seie

og vere akkurat der og den ein vil

eller ikkje vil

akkurat når og om

ein har lyst

kanskje passa det ikkje så godt

akkurat no

å gjere noko anna;

avslutte noko, begynne noko

eller vere vidare i dette

ein ikkje ynskjer

kanskje veit ein ikkje,

kanskje er det ikkje noko

i det heile –

ein berre

er

sur

kanskje går det

snart over

(B&W wednesday, Wednesday around the world) 

(Onsdagstema: Tørr - portrett av ei jente som er tørr bak øyra og veit kva ho vil! Og ikkje vil...)

Pendulum

inhale

I’m moving

through air

surrounding

my emotions

to the outer edge

of my life

exhale

I follow the stream;

let the pendulum

take me

to the other

extreme

and start over –

inhale

(Weekend in black and white)