tirsdag 15. mars 2016
Lett
kanskje var det mi eiga stemme
som eit ekko
i det tome rommet
- lyden som slo mot vindauga
dørene, golv og veggar,
slapp taket
og flaut utover hagen;
denne lyden som trassa alt
anna enn lokkinga frå lyset -
så var det kanskje lyset
eg høyrde, som eit drønn,
når det landa med vårlege vengjer
på frosne tre, kalde steinar
i ei verd i frykteleg stillstand
og lyden og lyset smelta saman
i ei symbiose med nye smakar;
slår attende
frykta som heldt stemma mi fanga
i sitt eige ekko
mandag 7. mars 2016
søndag 28. februar 2016
Mørk kopi
sjå seg sjølv
i auga
til den andre
sjå seg sjølv
i djupnene,
der himmel og hav
flyt i hop
skilje seg ut
som ein silhuett
mot alt det lyse
og flyte der
på vinden
til dagen sloknar;
alle bilete
vert borte
onsdag 24. februar 2016
Spel
dette er ikkje eit spel
for galleriet,
det er for store smil
og tilfeldige treff -
der reglane skiftar
alt etter - og i samspel med
humør og fantasi
og det som elles måtte inntreffe
og motspelaren
er ein medspelar
i gleda!
mandag 22. februar 2016
Alt vi ikkje ser
menneske du møter
i kvardagen, tilfeldige
tilfelle av DNA og tankar
og ånd
- at det vart nett desse,
og ikkje andre -
og du tolkar, du les, du tyder
signala fløymande gjennom luft-
atoma, som brev – eller utdrag
frå ein endå lengre
utilgjengeleg tekst
og du anar, for du veit
- fordi du kjenner deg sjølv -
at her er mykje du ikkje ser,
der er fleire lag, ein djupare grunn
som aldri vil skine gjennom
i så stort monn at du vil kunne forstå
eller vite
kven – og korleis
alle desse
verkeleg er…
så møter du menneska
- tilfeldige passeringar -
og kanskje smilar de,
kanskje endrar du kurs
på grunn av dette
men overflata de viser
skjuler uendelege landskap
av mystiske dimensjonar
bakanfor
i kvardagen, tilfeldige
tilfelle av DNA og tankar
og ånd
- at det vart nett desse,
og ikkje andre -
og du tolkar, du les, du tyder
signala fløymande gjennom luft-
atoma, som brev – eller utdrag
frå ein endå lengre
utilgjengeleg tekst
og du anar, for du veit
- fordi du kjenner deg sjølv -
at her er mykje du ikkje ser,
der er fleire lag, ein djupare grunn
som aldri vil skine gjennom
i så stort monn at du vil kunne forstå
eller vite
kven – og korleis
alle desse
verkeleg er…
så møter du menneska
- tilfeldige passeringar -
og kanskje smilar de,
kanskje endrar du kurs
på grunn av dette
men overflata de viser
skjuler uendelege landskap
av mystiske dimensjonar
bakanfor
Etiketter:
identitet,
medmenneske,
menneske,
møte,
tankar
søndag 21. februar 2016
Uventa
vinden midt i mørket
ein tornado av framand hjartelag
over eit kulturlandskap
utarbeidd, tamd og dyrka
gjennom hundreåra
lyset frå nye vinklar,
kaskadar av englevinger
dekkjer landskapet
med nye tonar, nye songar
uventa ord frå ein framand dimensjon
mørkret vik for vinden
hjartelaget temmer landskapet
og hundreåra svinn
som framande songar frå hjartet,
og etterpå, i stilla
er blikket vendt - og landskapet
nyskapt i lyset
søndag 14. februar 2016
Du såg
det lyset det brenn
som ein fakkel i auga,
lynglimt frå eit hjarte
gjennom tid, gjennom rom
festa seg til kleda mine
trengde gjennom huda, håret,
tvinna saman nye nervebaner,
let blodet renne slik det skulle
og det brennande lyset
vart jordsmonn å vekse i,
vatn som næra, gav liv
til flammen som endå brann stille
kunne vel nokon mista vegen,
i eit slikt striregn
av kjærlege tankar
då du såg på meg –
Abonner på:
Innlegg (Atom)