På denne sida

Kor rart det er å vere

på denne sida

av sommaren

Gå rundt her og vite

kva som kjem

etter kvart

Ikkje vite, som i sjå

men vite, som i tru

og håpe

at hjulet vil snurre

endå ein gong --

Kor rart det er å tenkje på

at dei grå løvetannfrøa vil fly

til hausten

og at dei endå ikkje er fødde,

endå ligg i jorda og ventar

på å få si tid

Kor rart det er å vere før

alt saman, i starten av livet

og vite:

snart bles nokon liv i det heile,

og alt vil eksplodere i ein kaskade

av fargar og glede!