Naudinngang

Det er dette som er naudinngangen 

mine damerrrr og herrrrar 

Det er her du må gå, 

når du er våt på beina, kald inn til skinnet 

og ikkje veit kor du helst 

burde gjere av deg

Då er denne naudinngangen  

for deg, ei siste dør 

midt i ødemarka, merkeleg plassert 

mellom myr og ørken 

og den store, mørke skogen der 

ingen kjem ut som går inn

Her er det annleis, 

denne døra leier vidare 

framover, ja over og 

ut av det mørket du tuslar kring i 

og inn – i radiatorvarmen 

Kom!

Viss du tør

(Midt bidrag til måndagstema hos: Alt som er vakkert)