Som ein ørn

slik vil eg sveve

av stad på vinden

frå vest

vere mitt eige fly

vere i mitt eige –

som ein ørn i flog

sveve ut av bildet

og inn i nye landskap

eg kan busetje

med gylne draumar

Elske lööv

Gjennom filter

Heim

denne fjorden

er ein motorveg

dette hjartet

lengtar heim – til deg

lyden av bølgjer

som båten legg bak seg,

lyden av sola som svinn

bak horisonten,

lyden av pusten forsvinn

i dette store bildet

berre lengten og hjartet

og lyset og fjorden og båten

og du

Dei små orda

Den tomme krossen

eg snur kikkerten andre vegen

ser bakover i tida

mot horisontane vi passerte –

kor mykje lettare det er å sjå

            vegen og samanhengen

denne vegen

i lyset frå solstrålane

som streifar den tomme gravveggen

skimtar eg skuggen av ein kross

det er ikkje lenger tårer som dimmar synet

eller den svarte sorga

som fyller hjartet

denne vegen, bakover

ser eg samanhengen

og tapet er omsnudd til siger