du ropar frå rommet
ei lett lidande stemme
som ei bøn
kanskje er du tørst
tenkjer eg
medan eg legg vekk papira mine
kanskje treng du ein klem
tenkjer eg
medan eg reiser meg opp
kanskje lengtar du etter lys
eller ei stemme, eller eit handfast teikn
frå ei verd som snart skal forsvinne
når du vandrar inn
i draumane
kanskje, tenkjer eg
og opnar døra til rommet ditt
"god natt," seier du
og smiler, god natt
seier eg, smiler tilbake
og det var alt som skulle til
verda er igjen i balanse
Ingen kommentarer:
Legg inn en kommentar