tirsdag 19. mai 2015
Kvit og ikkje
du kom over livet mitt
som ei årstidsveksling
eller ein bris frå framande strender
dekte himmelen over hovudet mitt
med kvite skyer, farga verda
med din eigen pensel
så går eg her, auga fokuserte
og du fyller synsranda, frå ende til annan
med det kvite og ikkje
(Onsdagstema)
mandag 18. mai 2015
Orda i vinden
i
kveld kviskrar livet sjølv
dei
orda som svevar med vinden
der
buskene bøyer seg, trea svaiar
graset
legg seg i age
eg
legg meg på kne, opnar hjartet
let
Guds pust fylle alle kammer
lørdag 16. mai 2015
Inn i natta
1
vegane
ligg tause i natta,
minnes
alle stega
og dei rullande hjula
på
sine reiser gjennom verda
vegane
ligg tause, søv
under
tyngda av vårnatta
og
strekk sine seige molekyl,
pustar ut etter enda verk
2
i
skuggen av natta
står
du her, speidar utover
eit landskap du har lært å kjenne
for
første gong
du
er så ny i verda,
så
uerfaren med alt dette store
som
berre vidar seg ut
og vert endå større
blikket
ditt vandrar
gjennom
hagen, ut på vegen
den
ventande stien
til
eit stort og mystisk liv
3
så
fell månen over fjorden,
vaskar
ut dei gamle tankane
bleikar
lerretet,
gjer det klart for nye dagar(Fototriss)
torsdag 14. mai 2015
Det er (den andre) draumen
eg
drøymde så fælt
her
ei natt;
at
verda var blodraud
og
skogen var svart
at
gutar gjekk i døden
på grunn av ei løgn
om
born, ikledd filler
og
vassblanke kinn under auga
om
mødre og koner
som
ikkje var det lenger
og
om menn i dress
bak
kvar sine høge pengestablar –
eg
klaup meg armen,
skreik
opp i smerte
men
bildet eg såg
stod
uendra enn
Abonner på:
Innlegg (Atom)