i dag ligg ispinnar nakne
blant reiler som no står still
men nettopp i denne timen
kan me nok klare ein til
der stig ein song over hagen
håpande i sitt språk
skjønt, nynna med smale lepper
for is-mas på måndag = bråk
Viser innlegg med etiketten is. Vis alle innlegg
Viser innlegg med etiketten is. Vis alle innlegg
mandag 18. mai 2020
mandag 16. mars 2020
Ord på is
orda dine kapslar eg inn
i eit fleire meter høgt snøras
iskald isolasjon, istappar, iskappe
veslevisaren trampar t a k t f a s t over fjellet
til lyden av dei mumlande orda
dør ut under meg, og eg kan sleppe
snøen laus
la den virvle tilbake til skyene
grave ut orda, tine dei
ufarlege restar, på tørka strå, i kasser
på veg til eit nærliggande museum
for utdøydde samtidsytringar
i eit fleire meter høgt snøras
iskald isolasjon, istappar, iskappe
veslevisaren trampar t a k t f a s t over fjellet
til lyden av dei mumlande orda
dør ut under meg, og eg kan sleppe
snøen laus
la den virvle tilbake til skyene
grave ut orda, tine dei
ufarlege restar, på tørka strå, i kasser
på veg til eit nærliggande museum
for utdøydde samtidsytringar
mandag 9. desember 2019
Det verkeleg kalde
det ligg snø på hjartet mitt,
ein mjuk puddersnø
over hardare skare
og under der -
tela som strekk seg som fingrar
innover mot det djupe
alt dette kan smelte
det verkeleg kalde
ligg inst inne,
ein kjerne av plastisk is,
upåverka
av milde vårvindar
eller jamlege streif av lys
her trengs det eit jordskjelv
ein vulkan
ein kjernefysisk fisjonsprosess
berre ei hydrogenbombe
på storleik med eit barn i ei krubbe
kan trengje inn og forvandle
kjernen
ein mjuk puddersnø
over hardare skare
og under der -
tela som strekk seg som fingrar
innover mot det djupe
alt dette kan smelte
det verkeleg kalde
ligg inst inne,
ein kjerne av plastisk is,
upåverka
av milde vårvindar
eller jamlege streif av lys
her trengs det eit jordskjelv
ein vulkan
ein kjernefysisk fisjonsprosess
berre ei hydrogenbombe
på storleik med eit barn i ei krubbe
kan trengje inn og forvandle
kjernen
Etiketter:
advent,
advent 2019,
hjarte,
is,
smelte
tirsdag 20. november 2018
torsdag 31. mai 2018
Iskongen
Etiketter:
is,
kapitalisme,
pengar,
varme
fredag 30. mars 2018
Over isen
hjartelengten
over djupet
er
eit springbrett
for
dei store draumane,
dei
som snirklar seg som røyk
under
isen
under
vatnet
under
botnslam og sjølve grunnfjellet
der
nede
i
dei varme straumane
kan
dei vekse seg formidable
og
finne si form,
før
dei igjen stig som bobler
mot
overflata
sprengjer
seg opp gjennom isen
og
fløymer inn som ein vår
over
auga
fredag 31. mars 2017
Blank
i jamn fart
glir vi over flata
som før var glitrande
vatn
no
er det blankt
og
kaldt og ufatteleg
glatt
dette
som
først fann si form
då
sola bleikna
mørket
seig inn
og
alle rørsler vart seige
her
tek vi jamne, beine tak
glir
over flata
som
ein gong var flytande
blinkande
himmeltårer
torsdag 16. februar 2017
Venterom
tida
står stille her
i ventetida sin ytterkant
på utsida av verda
der nesten ingenting finst –
eg er i mitt eige univers,
alt som tel er stilla
og den totale mangelen på alt
som ikkje er akkurat her, akkurat no
i ventetida sin ytterkant
på utsida av verda
der nesten ingenting finst –
eg er i mitt eige univers,
alt som tel er stilla
og den totale mangelen på alt
som ikkje er akkurat her, akkurat no
Abonner på:
Innlegg (Atom)

