Skuggebilete

I dag er eg ein skugge
av meg sjølv
Eit bilete av den eg kunne vore
Den eg var 
Ja, verkeleg var, i går, eller dagen før det
Før eg snudde timeglaset
heile vegen rundt,
let sanden renne tilbake der den kom frå

Det kosta ikkje mykje
Berre tretti bitar sølv
Prisen vart likevel for høg;

eg mista alt,
meg sjølv --
Alt som er tilbake er ein skugge
av den eg kunne vore

Den eg aldri vil kunne bli…

Mellom frimodige

Trea rettar opp ryggen

og kneisar med nakken

Oppover – det er der vi høyrer heime!

Vi stolte, vi store, vi rette!

Lat meg arve din tillit

Di ovstore tru på ditt eige verd

og din eigen plass her i verda!

Trea står rette og ranke;

eg rettar meg opp,

eller bøyer min rygg

Alt etter hjartet si svinging – med, eller

mot

Eg ser, ja eg ser…

Ikkje knus mine steg

Ikkje visk ut mitt spor over jorda

eg ber!

Ordne huset

Eit dikt frå ein pappa i ventemodus...

Vi ordnar huset

som vi seier
Gjer det klart – til å ta imot
Det er det som er målet,
at huset skal stå her, ferdig ordna
og ta imot --
vere ei trygg hamn, opne armar
som seier: Velkommen, du vesle!
Velkommen til dette huset, til oss

Vi ordnar huset, for snart kjem ho vesle
nye, ho som vi har venta på – i månadsvis
Ho som vi vil skal føle seg heime

Springtime

From the black, dry ground
comes the early sign,
my guide out of the winter fog:
The fragile sprout, long lost
Hidden in the frozen soil,
trampled down, forgotten… 

almost forgotten, though

The Springmaster keeps in mind
every little seed,
the corms of hope and new beginnings!

My eyes pop wide, my body spin of joy:
It’s spring, again, let’s dance and sing!
The nature’s rising from the death!

(Mitt bidrag til Tina's PicStory: March flowers)

Soleie

Den har sitt namn frå sola, 

og strekk seg stilt og audmjukt,

med håpefullt blikk og ei bøn om nåde; 

endå nokre strålar med lys

som kan stråle rundt kronblad og stengel 

og gjere den skuggefulle skogen lys

og glad å leve i 

endå ein gong

Ein ny dag, ein ny start,

og soleia veit kven 

den må vende seg til

og bøye seg for…

(Mitt bidrag til måndagstema hos Alt som er vakkert)