me startar denne ubåten
køyrer i låg fart
like under overflata
på månen
ein sjø utan vatn
ein lengt utan ord
ei utsikt som strekk seg
gjennom det tomme rommet
sakte vender me blikket
mot kvarandre,
let oss søkke inn
i kvarandre sine blikk
kveler eit hikst av frykt
for denne sandsjøen
er noko anna, noko meir
noko mykje meir alvorleg
enn det me har møtt før --
stille glir ubåten fram gjennom mørket,
pløyer sanden til side
legg etter oss eit spor av eigen smerte
ein lengt utan ord
ei utsikt som strekk seg
mykje lenger enn det hjarta kan nå
Ingen kommentarer:
Legg inn en kommentar