lufta kan vere eit hav
sollys som spreidde strålar i det blå
fisken spring med skremte blikk
inn i lauvskogen
her er ein jeger
ei gjedde med gevær
og stålblikk,
støvlar som står stille
på kanten av myra
kikkertauge i natta
stille svømmetak
ut på dei store djupa
og inn i mørket
her er så stille -
tidevatnet vert sila gjennom trea,
dreg dei att og fram
i ei svaiande rørsle
jegeren set seg ned på ein stein,
dreg inn fersk oksygen i gjellene
og avsikrar geværet
ein hjort kjem glidande fram
frå lauvverket
Ingen kommentarer:
Legg inn en kommentar