Sommarnatt

Eg kan endå kjenne varmen

prikke mot huda,

fleire veker etter, som lysande gull

i ei skattkiste – godt bevart –

Sommarnatta har skifta form,

varmen har fått vengjer,

No flyr den rundt i minnet mitt

som ein sommarfugl –

Landar på alle piggete taggar,

avrundar, smeltar,

spreier lyset frå ei sommarnatt

inn i haustmørke krokar

(Mitt bidrag til Alt som er vakkert: sommarkveld)