Morgon #6

Morgon #5

Sky

These beautiful clouds
Floating across endless skies
In their loneliness

(Haiku horizons, Helgbilden)

I handa

vi har alle dei visne blada

mellom hendene våre,

dei halvdøde, døyande restane

av liv som ein gong

var godt

og vi har valet

om vi vil halde fast

og sjå blada rotne bort,

til dei flyt saman

med våre eigne hender

og vi blir det dei er

eller om vi vil gje slepp,

la dei falle til bakken

la dei gå i oppløysings-

gløymsle

og forsvinne som næring

til noko anna,

noko godt –

og samtidig

setje oss sjølve

fri

(Søndagstema i farge og s/k)

Flukt

det er dei skumle
draumane

trengjer seg på
rullar inn

på fjørlette bein
udetonerte kapslar

av ukjent materiale,
verda legg seg flat –

i kjølvatnet
der frykta gror

som ugras mellom
gleda og det kvardagslege

spring dei trygge kjenslene
på flukt

frå skumle draumar,
tankar for store for vitet



(Weekend in black and white)

Morgon #4

Eldre enn meg sjølv

 

det er ei glidande grense

mellom det som er

og det som skal komme;

augeblikket er ei bru

mellom orda, eit landskap

i stadig endring

eg hoppar frå stein til stein

over uroleg vatn

- det er mi eiga redsle

for døden, for tida

for at alt eg har sagt og gjort

skal ta meg att

og bli eldre

enn meg sjølv

(My memory art)