Reise til #5

eg leitar med lupe

over kartet, prøvar finne

staden der livet mitt snudde

frå barnleg naivitet

til kald kynisme –

ser alle svingar og høgdekurver,

ser alle stader der vegane mine kryssar

juv og steile fjellveggar, ras og flaumar,

ser kor kartet krøllar seg –

- eg klarar ikkje finne staden,

men ser at der endå er store kvite felt

eg kan styre vegane inn på,

stadar der eg … kanskje –

kan finne reparasjon

for mine knuste draumar