Romsonde

Langt der ute, i rommet

svevar ein romsonde

Ein blind metallklump

med berre eitt mål:

Hente informasjon tilbake

til dei som sende han ut

Helst i biletform – for vi vil vite:

Korleis ser det ut der ute, eigentleg?

Og vi får det til,

for bileta strøymer tilbake

og gir oss det vi vil ha, meir enn noko;

informasjon –

Av dette kan vi rekne ut,

trekke saman raude trådar

og konkludere

på mange vis

Først og fremst, kanskje,

den basale lærdom

at verda, sett under eitt

kan erobre universet

Samtidig som vi – på nærare hald

ikkje klarar å forklare

eller innsjå

vår neste sine behov –