Inspirasjon

Inspirasjon – eit krasjpunkt

mellom vatnet i plenen

og det ausande regnet,

som står som stolpar bortover marka

Eg går berrføtt, berre for å kunne kjenne,

vite med instinkta

- eller kvar nervetråd som pulserar

mellom kroppen og hovudet,

der dei gamle signala vert brotne ned,

klipt bort med pinleg nøysemd

og bygde opp att – til eit heilt nytt byggverk

og plutseleg står alt klart for meg,

Eg plaskar over plenen, vasspruten står

om beina mine

og eg tørkar ikkje ein gong av meg på dørmatta;

eg må finne notatboka og pennen

før orda forsvinn ut i sølekavet att