Engledraum

Eg vatnar blomen

med tårer

Eg vatnar

med lengsel, med sorgtunge

bankande hjarteslag

for det gryande livet

Det spede, nystarta livet

Så skjørt, så skjørt

Eg vatnar blomen

med glede

Eg vatnar

med håp, med gryande

vårlette tankar

og nysådd, spirande kjærleik til

Det nystarta livet som kom

frå æva og inn i tida

Eg vatnar blomen

med bøner

Eg vatnar

med trufaste, vedvarande

ord til vår Skapar

Eg ber om visdom

om hjelp til å vakte

Det vakre, nye livet som kom

som ei frydefull gåve til oss