Komma

Eg pustar ut,

ser lyset forsvinne

som ei støvsky

bak horisonten

landet ligg aude,

landet ligg stille

det er som verda

trekk pusten på ny

 

og det vesle mellomrommet

- ventetida -

då alle auge er svarte og opne,

strekk seg over eit juv

blinkar lurt

kviskrar

eg kjem tilbake

om litt

(Fototriss)

Inn i bildet

Eg vandrar

inn i bildet,

vert oppslukt

av det som ventar

innan for rammene,

bak laga av trykksverte

og konturlause draumar

dette er eit stille rom

for langtgåande føter,

eit pusterom, ei flate

eg kan krype inn i

puste lange, tunge inn-

puste

ut –

(Weekend in black and white)

Holding the sky

(Haiku my heart)

Mi eiga sky

Det heile begynte å gå betre

den dagen eg limte sommarbilda

over alle vindauga

No bekymrar eg meg ikkje lenger

over fallande lauv

eller rimet som dekkjer blomar og bed

Og eg klarar meg gjennom

heile Dagsrevyen

utan å felle ei tåre

Ei reise heim #7

Ein dag ser eg båten utanfrå,

som eit flytande skal

så uverkeleg, tom

og der har eg vore,

i den har eg sigla?

ein dag går eg i land, let båten fare

til den går i eitt med hav og himmel

og saknet

er til å leve med

Ei reise heim #6

Så vender eg blikket framover,

ser inn i det ukjente som ventar

lengtar med heile meg

etter hamna, kvilestaden

lengtar med heile meg

etter staden eg er nett no

ser med glede rundt meg

på andre båtar, mine fyljevener

ser med forventning fram

til ei felles i landstiging, ei felles glede

ber ei bøn

om få forlis