Det blinde regnet #8

Natt over fjorden

sakte trekk lyset seg attende,

overgir område etter område

til mørket og kvelden

skyene fortset sin tause dans

filtrerar lyset, porsjonerer ut

våre tilmålte blå tonar

før sjølve natta rullar inn

over vassflata, rundt fjella

og viskar bort dei siste restane av lys

Lenger opp

oppover her
stadig                 lenger
opp

på vifteforma
trygge - steg
trinn - for - trinn

til skyene
dekkjer for
        jorda

til det er 
mogleg
å puste

lett




(Weekend in b&w)

Skyer

1

skyene dansar,

speglar seg i fjorden

let sine flytande rørsler

gli i takt med vatnet

veit at dei er forgjengelege,

at tida må nyttast til fulle

2

dette tause landskapet

av urokkeleg fjell;

uminnelege tider har dei sett

komme og vere og gå

berre skyene er deira telegram,

her får dei nytt i frå verda

3

skyer som eit teppe

mjukt bretta ut

livet er dekka, skjult

under denne rennande elva –

kor omskiftelege tidene er

kor lite vi veit om det som ventar




(Fototriss)