Det er denne handa

det er denne handa
eg held 
den tett
i mi, kjenner fridom
som varme impulsar
mellom fingrane mine
og dine,
her - i denne handa
har tryggleiken min festa rot

det er denne vegen
me går
den saman
møter framtida side ved side
som noko spennande
nytt, noko ukjent
å famne
her - langs denne vegen
med handa di trygt omkring mi

Søsken

Det skulle vere lett å forstå

at ingen kan fylle plassen

i eit hjarte

som ein bror

med trehjulssykkel

og plass på bagasjebrettet

og plass i leiken

og plass i hjartet

til ei lita søster med tindrande auge

og håpefull stemme

og ei grenselaus tru på at han,

sjølve Broren,

at han sjølvsagt har rom for ein søsterkropp

i leiken

Ja, det skulle vel vere lett å forstå!

(The weekend in black and white)

Fjellsøsken

Fjellet ruvar;

Lyng og stiar snor seg

mellom vérbøygde bjørketre

Over berg, mellom nutar

Vadar gjennom rislande sommarbekkar

hand i hand

Søsken i sommarsol

Det store fjellet

er tryggare

slik

Eg og bror min

Tenk å ha ein bror på vegen

Ein som er der

heilt til endes

og som endå tek telefonen

kvar gong eg ringer

og fortsatt er ein tullekopp

og fortsatt er min beste ven

Ja, tenk å ha ein bror

som broren min