Open himmel

gje meg stilla

ein kveld

under open himmel

ikkje lydlaust, ikkje taust

men ope, nake

som den fyrste lyden på jorda

som ei dirring i molda

ei stemme du kjenner

som skulle den vere di eiga

gje meg stilla

ei einaste, stjerneklår natt

og eg skal kviskre deg orda –

dei fyrste, dei siste

tre søyler som strekk seg

parallelt i mot æva

i stilla, tre ord

om trua, og håpet

og kjærleik som overvinn døden

gje meg stilla

eit liv

under open himmel –