Gjennom heile bildet

stille glir vi inn

i bildet, frå høgre

som opne, spinkle

lærlingar i livet

tek fatt på arbeidet

lagt framfor oss

og spinn våre nett

rullar ut våre vegar

glir innover i bildet

til vatnet omgir oss

og vi kjenner oss heime,

føler vi forstår

både plassen og utsikten,

til føtene trår med seigare steg

og alt vi ser

er uklart og oppbrukt

så glir vi ut

av bildet, til venstre

som lukka, trøytte

skal av liv

berre bølgjene ligg att,

krusingar, ei helsing

til dei som kjem etter

og stirrar på bildet når vi forsvinn