Sjå, her sit eg

sjå, her sit eg

på ein stein i skogen,

veiftar med beina, vinkar

med hendene,

håpar du vil sjå –

eg er som eit tre,

det ser eg på skuggen, eg er som

eit majestetisk furutre

som står her, pal i ro

og berre ventar på at…

ja, kva ventar dei på?

eg ventar på deg,

at du skal komme svinsande forbi,

smile til meg

og dra meg med

ned frå denne kalde steinen

og ut i noko anna, noko med latter

og varme –

at du skal blåse liv i denne kalde furua,

så han slepp å sitje her

og finne ut –

kva tre faktisk ventar på