Tips

Vi er gjestar her på bordet,

det er dekka

når vi kjem –

kan du sjå oss, kan du høyre

kor vi summar gjennom hagen

mot eit måltid som vi får

går det natt, går det dag

går det timar, minutt, sekund

går sjølve tida ut – er vi likevel her

rett rundt eit hjørne, over ei busk

under tunge skyer, under skarpblå himmel –

det er det same for oss

så lenge det er mat, så lenge vi kan få –

og vi er takksame, ikkje tenk noko anna;

vi legg etter oss tips for kvart einaste mål

og det er difor vi kan komme

også i år til fest på dekka bord

- fjorårstipset har riktig kasta av seg…

(Onsdagstema og NatureFootstep)