søndag 15. september 2013

Inn i nye dimensjonar



Rett før avgang – alt er sjekka
Alle deler er på riktig plass
Du er klar
Til å lette
Til å setje fantasien i sving
og springe gjennom rommet
som endrar karakter – etter behov

Eg ser gleda i auga dine,
den same gleda som lyste av mine auge
den gong det var eg som sprang
og det var mine klossar
som snurra og flaug
eller køyrde gjennom andre dimensjonar
tilbake til vikingtida, eller fram til ei framtid
så fjern at den endå ikkje er tenkt
av nokon andre

Du flyg med klossane, du snakkar med folka
Snart vert dei pakka ned i øskjer
og du flyg sjølv ut
i den verkelege verda –
Kan du då halde fast på denne timen?
Kan du prøve å hugse tilbake,
til flygande klossar
og nedstøva dimensjonar,

la minna løfte deg opp
når verda vert altfor… verkeleg…


(Mitt bidrag til måndagstema hos Alt som er vakkert: Fantasi)

7 kommentarer:

  1. Du er dyktig med ord!

    Tankevekkande :-)

    Takk!

    SvarSlett
  2. Ordene dine er flotte.
    Jeg håper timen aldri blir glemt.
    Ha en deilig kveld :)
    Mormor

    SvarSlett
  3. Fantasi i en drengeverden måske :-)Fint med en lille historie også :-)

    http://2.104.134.159/wordpress/2013/09/15/mandagstema-92/

    SvarSlett
  4. Utrolig flott skrevet!
    Ble helt rørt av dette!
    -Margit-

    SvarSlett
  5. Spennende å bli med i din fantasi. Lettet nå...

    SvarSlett
  6. Fantasifull tolkning och fantastisk text!

    SvarSlett
  7. Det var en fin text och helikoptern kan ju leda till mycket fantasi.

    SvarSlett