Isbitmaskina

isbitmaskina
hoppar av sporet
berre ein gong

ei innsikt så djup
og likevel naken
på alle djupner

vitet strekk seg
lenger ut, lenger ned
og bortanfor

der isbitmaskina
hoppar av sporet
står og hakkar

som ei påminning

Morgondans #7

Mindre

hjartet mitt krympar

i møte med dette

ville, utemde, djupe

eg er så mykje mindre enn

no enn i går,

eg stod roleg på fast grunn

då – no er verda på ny

rotasjon, annleis denne gongen,

og eg er ikkje lenger solid

så eg søkk i djupna

kjenner vatnet dra meg under

medan hjartet mitt krympar –

det er greitt no …

eg gir meg

til deg

om du endå vil strekke deg

dit eg er og løfte meg

tilbake til dei levande

Djup

1

denne roen

strekk seg

så langt auga

kan sjå

eg kviler

på fråværet

av bølgjene

frå i går

eg flyt

på ei visse

om trygge bakveggar

for resten av vegen

2

lenger inn

i det ukjente

ein veg som strekk seg

herifrå, og langt

ut på djupnene

i mitt indre landskap

3

der ute

er det ugripelege;

det som er der

usynleg

det eine vi ynskjer

å fiske opp,

tileigne oss

som openberra styrke

og det andre

det vi gjerne vil halde

skjult

på tusen meters djup

(Fototriss. Og ein artig ting frå Coolstuff her. Det siste bildet viser ein bit av Sognefjorden, som på det meste er over 1300 meter djup!)