onsdag 29. november 2017

Ei oppmuntring - 1



det heiter seg slik
(hos dei som sit med vitet)
at universet vert større
dag for dag

at det som ein gong var samla
blir større og større
og den samla energien
skal fordelast i eit større rom

ergo
vil temperaturen synke
stjernene slukne
til slutt
vil det enorme rommet
ligge svart
tomt
og kaldt

for alltid

ingenting av det vi gjer i dag
vil bere meining

ingenting av det vi har i dag
vil vere att –


Ingen kommentarer:

Legg inn en kommentar