det er ofte det stikk motsette
som hender,
handa byter plass med hjernen
og orda du høyrer
er kodar frå fingeravtrykk og muskelfiber
nervecellene knyter seg saman
til knyttnevestore slegger,
banar seg veg gjennom auge og øyre
knuser seg veg
heilt inn til kjernen
og så snur alt
plutseleg har eg undertaket
og finn meg sjølv på rygg
i ei eng av blomar
medan eg tel skyer og bier
og lest som ingenting har hendt
kanskje har det ikkje det heller
Ingen kommentarer:
Legg inn en kommentar