Bajonettane

Sollyset glimtar i våpen

av nypussa stål

Tusen bajonettar, på rekke

Midt i mot – ei ny rekke

Tusen våpen, like blanke

Bak våpna, på begge sider

står gutar

i nyvaska, flotte uniformar

Solbrune fjes, på begge sider

Ansikta er bleike og bestemte

Auga er sikre, ryggane rake

Hendene skjelv

Men ikkje så mykje at det syns

Dei er klare og lyttar

Høyrer kampropet runge:

Fram gutar!

Hev våpen!

Spring av stad! Gjer di plikt!

For fedrelandet! For Gud!

For dine barn og din konge!

Eller 

Lytt til kviskringa

frå vinden

og to tusen bestemødre:

Stikk bajonetten i jorda

Gjer  det no!

Pløy kvar dykkar fure

Så korn og poteter

og vatne med tårene

frå to tusen mødre utan søner

Rop eit leve for jorda

Rop eit leve

i fred