Useless haiku (?)

Look at this, my friend!
I used a useless photo...
A perfect topic!


(Haiku heights)

Kontrastar

Så lite alt det store blir

når det vert plassert ved sida

av noko endå større –

Så stort alt det vesle vert

i møte med

Den aller største –

 

Når alt rundt oss

er nake, kaldt og tomt,

og alle fargar er fjerna

med haustviskelæret,

hang vi våre billige kopiar,

våre bilete, våre fargar

og freistar friske opp det daude

- ikkje som ei erstatning,

men det hjelper oss halde ut

og minner oss på

at etter dette

kjem dei ekte fargane tilbake



(Fototriss)

Imitasjon #3

Lys som leier

Her siglar ein båt

over fjorden, her sit det ein mann

i sitt blikk

ser du stjerner som lyser

bak skyer og dråpar av regn, men

ingenting kan dempe lyset

for han ser lenger ut og fjorden er brei

ferda tek timar

Han smiler

Bak smilet ser du skuggen av eit anna smil,

som lys reflektert i kvar bølgje

men det er berre han som kan sjå det –

Her siglar ein mann i ein båt

Han har eit mål,

der framme ventar kjelda

til alle hans lys

(The weekend in black and white)

Imitasjon #2

Sakte let eg vinden fylle alle

porene i huda mi, fylle

blindvegane i livet, alle skjulte rom

eg har halde lukka og låst

Eg let vinden sakte fylle alle

mine tankar og rørsler,

til eg vert usynleg, flyt i eitt

med bakgrunnen

forgrunnen

og alle andre grunnar eg har

til å ville forsvinne frå dette punktet

Vinden fyller sakte alle mine

motiv, alle tankar eg har

om meg sjølv og alt det andre

rundt, alle mine skisser

av korleis ting burde vere,

let vinden blåse det bort

så eg kan bli eit lukkelegare menneske –

Alle vindar let eg sakte fylle

mitt indre, let dei leike

i årene mine, kjenner eg vert fylt

av rørsler, fylt av framdrift,

fylt av ei lengt

etter å bli heil