lørdag 25. august 2012

Light in the dark


Ikkje


Eg er
Eg er ikkje
Eg er ikkje snill
Eg er ikkje vill
Eg er ikkje kul
Eg er ikkje tøff
Eg er ikkje modig
Eg er ganske snodig
Eg er ikkje tøff
Eg er ikkje kul
Eg er ikkje vill
Eg er ikkje snill
Eg er ikkje
Eg er

Ikkje

fredag 24. august 2012

Memento mori


Då skal vi møtast
Att
Eg og du
Og aldri skiljast
Meir

Memento mori
Ja, eg gjer det
Heile tida

Og du ventar
På meg
Det veit eg

torsdag 23. august 2012

Den som aldri forsvinn


Du er fortsatt med meg
Som ei stille tikking
Som bølgjeskvulp
Som eit pust på huda

Du er ei lydbølgje
Eit sus om natta
Ei kviskring på vegen
Til og frå jobb

Du er fortsatt med meg
Sjølv om du er borte
Du vil aldri forsvinne
Du er der, som eit bakteppe
I alt eg gjer.

onsdag 22. august 2012

Frost i hjarta


Vinter i hjarta
Frost og kalde vindar
Det var ikkje slik eg ville det
men det var slik det vart
No heng istappane
kalde
frå det som var gleda mi
Håpet mitt
Alle mine lengsler

Men der det er frost
kan det bli vår og smelting
Varme og vakre blomar

Det er det eg håpar på
Mitt tynne håp
Medan isen knugar
Og frosten knuser
seg veg gjennom
draumane mine

tirsdag 21. august 2012

Tårene mine

Sakte sakte
Dryp doggdråpar ned
Frå bøygde grasstrå
Dei dett ned på jorda
som ikkje lenger er
berre jord
No er det jord som
Dekker mine håp og draumar
Jord som dekker deg

Sakte sakte
Dryp tårene mine
Ned i den same jorda
Gråt saman med meg
og graset
som syrgjer over tapet
av nakne barneføter
ein varm sommardag

mandag 20. august 2012

Mørke stjerner

Av og til
Er stjernene mørke
Som det mørkaste kol

Av og til
Er det umogleg å sjå lenger
Enn ei armlengd framover
Alt utanfor
Er mørkt og svart

Av og til
Er det umogleg å vite
Kor ein skal setje foten
Kor det er trygt

Av og til
Kjempar ein mot sjølve livet
Og ein er dømt
Til å tape

Av og til