Eg var der, altså

eg var der

det er heilt sant

sjølv om du ikkje såg meg

og eg eigentleg ikkje såg deg

gøymt bak kameraskjermen

var det vel berre håret mitt

(det vesle som er att)

som viste og du kunne sjå

meg inn i linsa

for bildet som er forma i hovudet mitt

er filtrert gjennom fleire lag

slipte glas

og lagra først på ei minnebrikke

og deretter på pc

så eg var der, altså

det er nesten heilt sant –

Den indre flammen

kanskje er du sola
dei krinsar rundt
umedvitne
den brennande flammen
i ditt indre

der smeltar bitar av livet ditt saman
til stødige minner,
sender strålar av energi
frå kvar pore i huda

det du byggjer og ber på
skapar gløden i elden frå auga

kanskje er det difor
dei krinsar rundt deg;
auga speglar den indre flammen

umedvite
får dei del i den same varmen

Udokumentert

Tolk

det vert enklare slik

mellom meg og verda;

eit filter

for inntrykk,

ein tolkingsnøkkel

for det eg møter

gjennom linser

gjennom speglar

og glas,

filtrerar eg lyset

minskar og sorterer

til verda møter meg

som eit utsnitt

eg kan forstå

(onsdagstema)