Soleiebarn #9

i fellesskapet må du ytre

dei riktige orda,

utføre dei riktige handlingane

mot dei riktige menneska

til riktig tid

alltid til riktig tid

fylle normen

til siste punktum

vere ei dominobrikke blant dominobrikker

viss du fell

vil også fellesskapet falle

Soleiebarn #8

Du opna eit landskap i meg #2

Du opna eit landskap i meg #1

kjærleiken –

ja,

kjærleiken

og lengten

og håpet

og draumen

og

du

kor alt flyt saman

som ein fjordarm

innover i hjartet,

leitar seg fram til ukjente krokar

i eit landskap eg ikkje kjende

før kjærleiken, lengten og håpet

og draumen og du

flytta inn 

Soleiebarn #7

Soleiebarn #6

kvervlande tankar rundt dette eine

mysteriet;

at vi er ei menneskemengde

av kulørte sjeler

at huda vår skimrar fargesprakande

vakker som ein symfoni;

varme mjuke hudceller

over det raude, bankande blodet

under huda er vi alle nakne

bygde opp på same måten

av den same

altoppslukande

lengten

etter

kvarandre