dagane etterpå
det er dei som tel
når det siste lyset har blitt sløkt
gjestane har gått
maten er rydda av bordet
oppvasken ferdig
kransekaka smula opp
alle smellbonbonane ligg som bilvrak
på kjøkkenbenken
nokre einslege pakkeband
har gøymt seg vekk i ein krok
og de kjenner varmen
frå den andre sin kropp, pusten
ei veksling mellom hjartefrekvensar
og gode blikk
frå no av
er det de to, i alle dagar
etterpå
og det er det som er viktig
Viser innlegg med etiketten fest. Vis alle innlegg
Viser innlegg med etiketten fest. Vis alle innlegg
mandag 29. juni 2020
søndag 1. mars 2020
Plikt og redning
av rein plikt
ordna han med sitt eige selskap
sende ut invitasjonar
men skreiv med vilje små feil
i adressene
og sende så seint
at dei fleste kom fram
dagen etter festen
(med sinte notat frå posten)
og dei næraste, dei
som visste om selskapet
og tida og staden
og kunne møtt opp
festpynta, med gåver og godt humør
dei var trass alt dei næraste
og visste om den beste gåva:
å ikkje bry seg i det heile
dermed vart det ein stille kveld
og det gleda hans einstøingshjarte;
- verdas beste vener
tenkte han fornøgd
og sløkte lysa i lokalet
som aldri var sett i stand
ordna han med sitt eige selskap
sende ut invitasjonar
men skreiv med vilje små feil
i adressene
og sende så seint
at dei fleste kom fram
dagen etter festen
(med sinte notat frå posten)
og dei næraste, dei
som visste om selskapet
og tida og staden
og kunne møtt opp
festpynta, med gåver og godt humør
dei var trass alt dei næraste
og visste om den beste gåva:
å ikkje bry seg i det heile
dermed vart det ein stille kveld
og det gleda hans einstøingshjarte;
- verdas beste vener
tenkte han fornøgd
og sløkte lysa i lokalet
som aldri var sett i stand
mandag 14. oktober 2013
Verdt ein fest
eg har aldri eigd mitt eige
fyrverkeri
har vel aldri sett poenget –
det er så mange som har,
nok å sjå, likevel
er det fascinerande å tenke på
at ei lita ladning med krut, så svart
og illeluktande
kan bringe fram slike fantastiske fargar
(og lydar for dei av oss som likar slikt)
og eg tenkjer…
tenk om alle dei som eig krut
(og då meiner eg alle)
hadde laga fyrverkeri av alt saman
(og då meiner eg alt)
og skote det opp – til glede for folket
då kan eg love ein ting;
då skal eg kjøpe ein rakett
(ja, ein liten og enkel ein, altså)
og sende den opp,
for det ville vore verdt ein aldri så liten
fest!
fyrverkeri
har vel aldri sett poenget –
det er så mange som har,
nok å sjå, likevel
er det fascinerande å tenke på
at ei lita ladning med krut, så svart
og illeluktande
kan bringe fram slike fantastiske fargar
(og lydar for dei av oss som likar slikt)
og eg tenkjer…
tenk om alle dei som eig krut
(og då meiner eg alle)
hadde laga fyrverkeri av alt saman
(og då meiner eg alt)
og skote det opp – til glede for folket
då kan eg love ein ting;
då skal eg kjøpe ein rakett
(ja, ein liten og enkel ein, altså)
og sende den opp,
for det ville vore verdt ein aldri så liten
fest!
Abonner på:
Innlegg (Atom)