Tre vegar for mine rosa frø

1

det finst blomar som fyller sin misjon

frå a til å;

veks og blømer i sommarsola

gler hjarta med friske fargar og dufter

som minner om lukke og fridom og

glade barndomsdagar, berrføtt i graset

og som visnar i haustmørket –

berre minnet ligg att som eit svevande frø

i vindar frå aust

2

det finst blomar som aldri får bløme

- aldri feste røtene

eller strekke sine stilkar mot sola

blomar som ingen veit har eksistert

utanom den som håpefullt planta frøet

og vatna med tårer

og venta og venta og venta

og fortsatt ventar –

3

det finst blomar som trassar alt og alle,

blomar som blomstrar

i oktober

nektar gje opp, nektar innsjå sanninga

held hovudet rakt,

ser ein utveg

- sjølv i dei mørkaste tidene 

(Fototriss #235: Rosa)