Våren bryt fram

våren bryt fram

- eit teppe vert lyfta

openberrar det skjulte

det vakre

verda vil vakne

no høyrer vi lyden

den nye musikken

frå ei verd som spelar opp

- kom og dans!

menneska veks

som blomane spirar

og vatnet fell

frå ein nyvaska himmel –

alt det nye

som venta på dette

i vinter

våren bryt fram

og fargelegg verda

med kulør ein meister verdig

og lerretet står klart,

ventar å bli fylt

på ny!

(Our world tuesday)

Bak auga

det er det skjulte

det du ikkje ser

gøymt bak maskene

våre sirlege kontrollar

og sjekkpunkt

alt det vi reknar som skjold

mellom oss sjølve og verda –

det er det som er bak

baksida under

undersida

det skjulte

og det som er på vranga

når alt det synlege er borte

og natta har lukka sceneteppet

over einmannsshowet

det er då

på det punktet den staden

den tida det rommet

der

bak auga

heilt inn til det skjulte

det er der du finn det ekte

det verkeleg autentiske

eg

men først må du rive fasadane

fjerne støyfilter og dekkmaling

rive av maskene

og våge å møte meg

med opne hender, naken, sårbar –

auga vil halde alt hemmeleg

så lenge du står i forsvarsstilling

(Måndagstema. Grafitti frå Stavanger)