Tal

1

tel stjernene sa han vi tel

sandkorn tel lukke tel pengar

seier dei og smiler dollarglis

utan substans tel fingrar tel tre

med greiner som viftar i tallause vindar

mot tallause stjerner og tallause

sandkorn under havet eg tel

hus tel bilar tel meg sjølv og deg

tel nåde tel sytti gongar sju tenkjer

det er det som verkeleg tel

2

det er ikkje anna enn eit tal

indikator for ei kjensle vi kjenner

som skal forandrast

til ei liste med val for dagen

det er ikkje anna enn eit tal

men seier meir enn klokkene

meir enn vegane vi skal gå meir

enn det stille suset gjennom trea

for om det ikkje er anna enn eit tal

er det like fullt ei vektskål

der graden av slitsame tankar aukar

omvendt proporsjonalt

3

grensene strekk seg

som elastiske membranar

tvers over landskapet

bøyer unna inntil smertepunktet

men så, etter det

som ei klam hand rundt samvitet

vårt siste moralske fyrtårn

(Fototriss)

Noko kjem

noko kjem – noko krypande kaldt
kjem smygande langs ukjente veger
medan klokka går mot midnatt

eg kjenner kulda trengje gjennom huda,
byggjer sine skrøpelege stillas
over mine indre strukturar

let etter seg ein veg av øydemark
langs nervetrådane frå auga
og inn til dei inste avkrokane

så er det noko som kjem, noko vagt
og så stille at verda vert dempa
til ei kviskring – noko kjem, noko lurar…

ssssj… bak dette rullar dei grøne teppene,
alt som var ligg og ventar
for ein ny vår er på veg … noko kjem –

(Weekend in b&w)

Mellom djupnene i livet

mørke tonar frå rommet innanfor

rommet eg er i,

ein kvelving breier seg ut

over vegen eg går

på andre sida køyrer bilane

opp ned og galne vegar

og ringane breier seg

der eg sleppte hjartet i sjøen

slike dagar, slike netter

utan stødig grunn under beina –

slike tunge tankar å bere

på denne sida av tida

Innvikla i deg

orda dine er eit nett,

fangar inn armar og bein

hår og hjarte,

surrar meg til noko

eg ikkje kjenner dimensjonane i –

let meg sakte men sikkert miste kontrollen

og miste taket

i livbøyer, ankerfeste, sikringstau og liner

falle

fritt

til nettet fangar meg inn

og held meg fast

over djupet

(Weekend in b&w)

Under glaslokket