Det er min eigen alder altså

Haldepunkt

lyset er refleksjonen
av den du var – den gongen 
like før bildet vart ramma inn,
sett på hylla –
kanskje skal du blåse støvet bort,
setje deg i vindauget
drøyme

det var nemleg slik du vandra,
oppdaga nye stiar oppå jordskorpa

var det eine, stødige haldepunktet
i tilværet – 

den gongen
du var alt som skulle til

Vere grunnfjell

du skal vere
som grunnfjellet
under ein skog,
med god plass
til spinkle røter
i næringsrik jord

og vere stødig
som grunnfjell
om nokon må
setje seg ned,
kvile foten

før resten
av vegen
skal starte

(Weekend in black and white)