Guide

du viste meg verda
gjekk opp stien på såre bein

dette fjellet er eit haldepunkt
dette er fast grunn, sa du

så var du borte, vårregnet kom
og fjellet er alt eg har att

Alle spora

Alle spora – etter menneske

som har trakka seg veg gjennom hjarta mitt

Sett sine spor,

forma meg til den eg er

Alle spora – etter menneske

som har pusta sine milde vindar

over vegen eg har gått;

Latt graset gro, latt blomar spire,

Latt svalande vatn fukte mi panne

Tørka tårene bort frå mitt kinn

Og dei mørke spora,

etter dei som putta meg i bås

og ville forme meg – i sine bilete

Alle spora,

ja, alle merka

eg ber med meg

som heidersteikn og minnesmerke

om godt og vondt

om dei eg vil likne

og dei eg ikkje vil bli –