Mellom hav og himmel

1
her har vi bygd våre liv
reist våre hus
mellom hav og himmel

omkransa

av vatn

- vi

som sjølve er skapte

av jord og vatn – i vatn

og brukar så mykje av livet

på jakt etter væskebalanse –

2

molekyla svevar, dansar

sin veg

mellom hav og himmel –

havet gir

havet får

og menneska er ein mellomstasjon

eit lysglimt i æva

3

når mørket ein dag sig inn

som eit teppe

mellom hav og himmel

og skjuler våre draumar

hindrar sikta

utover mot verda

og innover i hjarta

og let vatnet renne tilbake

der det kom ifrå –

då lengtar mennesket ut

til ein andre fødsel

frå vatnet

(Fototriss)