Ein slik kveld

Det er ein slik kveld

du ventar at ein ulv kjem fram

lyfter hovudet og uler

mot månen

Det er ein slik kveld

du ventar lukka skal snu,

at alt som har gått bra så lenge

skal vende seg mot deg

Det er ein slik kveld

du tenkjer at toppen er nådd,

etter dette ventar syndeflaumen

og deretter nedoverbakkane

Det er ein slik kveld

du ventar ulvane skal ule

sine ulukkelege ul mot månen

og at blodet skal fryse til is ved synet

Det er ein slik kveld

at ingenting likevel skjer

Livet fortset, du kan endå vere lukkeleg

og ingen ulvar varslar di ulukke

Det er ein slik kveld

du oppdagar at alt er mogleg,

at det mest utrulege

som å få vere glad, er like sannsynleg

kanskje til og med meir

enn ikkje