Viser innlegg med etiketten struktur. Vis alle innlegg
Viser innlegg med etiketten struktur. Vis alle innlegg

lørdag 25. april 2015

Struktur



1
alderen set sine merke;
det er som livet sjølv
kryp opp frå den eldgamle jorda
og kler sine gjester




2
dette er spora
etter levd liv,
arr frå tusen slag

dette er merka som kjem
når ein gjer det ein er etla til;

somme seier sår
rivner i det perfekte,
skår i det som skulle vore heilt

eg seier: adelsmerke
på ein som har kjent verda
si vrangside

og endå står –





3
stryk handa over
fastfrosne årer,

slik eit fengsel,
slik eit vern kan halde –

og lyden av dryssande rim
på frosen mark

der hjartet krakelerer
under lengten etter ny vår