På hotellet

Vel, eg har skrive diktet, men er usikker på korleis det kan tolkast... Forslag?

inne på hotellet

der fisken sym fritt

og paddene dansar samba

til eit orkester i moll

inne på hotellet

bak skotsikre ruter

kikar dei ut på verda;

det er vi som er på utstilling

og framande i denne verda,

det er vi som har store auge

når vi ser sjøstjerner ete sjuretters middag

og steinbiten knuser rommet

i eit anfall av raseri

inne på hotellet

(the weekend in black and white)

Lære om seg sjølv

når lærer ein mest

om seg sjølv?

aleine, på eit hotell

midt i ein stor by

med millionar av menneske

og tusen ting ein har drøymt om å sjå,

og så sit ein likevel aleine

på eit hotellrom

og skriv dikt om livet

sine buktningar og knausar

viss ein då legg ned pennen

og ser djupt inn i spegelen

inn – bakanfor eigne auge

då!

då er læringskurva like bratt

som hotellfasaden

(Torsdagstema. Det er kaldt ute. Det begynner å bli glatt på vegen. Snart kjem snøen (altså slapset) og regnet. Eg hadde ikkje hatt så mykje imot ein tur til ... Barcelona (for eksempel)...)